Que é iso do Kit Digital?

O Kit Digital é unha iniciativa do Goberno de España, financiada polos fondos europeos Next Generation EU, dentro do Plan de Recuperación, Transformación e Resiliencia. O seu obxectivo é axudar aos emprendedores para adoptar solucións dixitais que impulsen a súa competitividade e eficiencia. O programa ofrece axudas económicas a fondo perdido para pór en marcha diferentes solucións tecnolóxicas.

E non teño que pagar nada?

O noso traballo remunérao o Goberno de España cos fondos da UE. Así que, non, a web a ti sáeche de balde. Simplemente deberás adiantar o pago do IVE da páxina web, que ascende a 420€. Un diñeiro que —como ben sabes— é totalmente deducible na túa declaración trimestral do IVE ou, no caso de que sexas comerciante retallista e non declares IVE trimestral, imputable como gasto na Declaración da Renda.

Nós que temos unha fundación/ONG/asociación, tamén o podemos pedir?

Pois tamén. As fundacións, ONG, entidades sen ánimo de lucro e asociacións poden beneficiarse das subvencións do programa Kit Digital sempre que exerzan actividade económica. Considérase que exercen actividade económica se están dadas de alta nalgún dos epígrafes do IAE (o Imposto de Actividades Económicas), algo bastante común no coñecido como Terceiro Sector. Como norma xeral, se a túa entidade ten un NIF propio e nel figura un número precedido da letra “G”, é posíbel solicitares o Bono Kit Digital.

E iso do ordenador gratis?

Pois como o oes. Desde o 9 de maio de 2024, a subvención do Bono Kit Digital incrementouse de 2.000€ a 3.000€ para autónomos e empresas de menos de tres empregados. Son 1.000€ adicionais que podes (non é obrigatorio se tan só queres a web) destinar á compra dun computador. En bbb.gal poñémoste en contacto cos nosos distribuidores e facilitámosche un catálogo para que elixas o que máis che conveña de entre marcas como HP, Lenovo ou Asus. Como no caso da web, só terás que abonar o IVE (adiantalo, vaia, que logo cho compensan na declaración), que neste caso ascende a 210€.